Welcome to Tijua... Galiza? O corpo mallado froito da falta de adestramento no cultivo da festa. O esprito en loita pola nosa lingua e terra nai. Amolado ata que todos os días do ano sexan dezasetes de maio. Coa alma rachada, ferida pola señardade da ausencia da única persoa que me importa neste puto mundo. Cos ouvidos cheos de sons máxicos de acó e de acolá. Hoxe un zombi na rutina cotiá. Cos ouvidos cheos dos sons d'Os Zarambeques, Kepa Junkera, O Sonoro Maxín e Radio Bemba. A suspensión do concerto do venres de Manu Chao e Radio Bemba en Monforte deume a oportunidade de achegarme a gozar co saber dos povos na Festa da Marosa. De aperitivo unha rica conversación mollada cunha Estrela ofrecida polos meus contertulios compañeiros de furgofesticultura; e a seguir abrían lume uns da casa galega, grupo folk con raíces na música máis tradicional dos nosos gaiteiros. Unha pausa, un bocata, e por segunda vez na miña vida, a calidade de Kepa Junkera e os seus músicos volve deixarme abraiado: un placer para os sentidos que recomendo a calquera que non tivese aínda a oportunidade de acudir a un directo do trikitilari. Aquí tocou coma sempre, sen se ...

Ia preparado pra passar umha noite de dezembro na marinha por muita carpa que houvesse, mas foi chegar alí ─tarde por motivos de intendência─ e, primeira surpresa: havia calefa! Assim que tirar o plumas, tirar o forro, tirar o pucho e mais tirar as luvas até ficar em manga curta... um 29 de dezembro! A festa já estava montada, e que pedaço de festa. Gente muito implicada na música que estavam a fazer os Serra-lhe, e tantíssimos colaboradores pra a gravaçom que apenas eles chegavam pra cáseque encher a carpa e montar a troula. Rostos mui conhecidos: Carlos Blanco, Uxía, Luís Caruncho, Os Estoupacaldeiros ao pleno e muitos mais. A dançar e choutar a festa avançava e a cerveja desapareceu, começando as viagens ao garito de em frente, e desaparendo também a vergonha própria e alheia. A camisola antes de que se acabem! E alguém aparecer com o LK... e mais danças e tirar fotos... e o LK também desapareceu... e já a gravar-se o segundo disco... e mais festa. E acabouse tudo agás a festa. Já nom havia música no palco, mas havia abaixo, sempre sae umha gaita de algures e tras dela umha moreia de instrumentos mais a ...